Альмира Жандарбекова:

— Екіқабат кезімде баламның ауыр салмақта екенін сезетінмін. Бірақ алты келі болады деп ойламадым. Өзім де таңқалдым, 6 келі 500 грамм деген кезде. Бір күн бұрын УЗИ-ге түскен кезде бес келі 200 деп айтқан.

Шақалаққа әкесі Тәуекел деп ат қойыпты. Осыған дейін төрт қыз бір ұл тәрбиелеп отырған 31 жастағы анасы өзге балаларының да салмағы 4-5 келі аралығында болғанын айтады. Әзірге перзентханада жатқан Тәуекелдің тәбеті жақсы, ұйқысы тыныш. Денсаулығын тексерген дәрігерлер бала сап-сау дейді. Мамандардың айтуынша, алты келіден асып туылатын шақалақтар сирек кездеседі. 

Бақытжан Позилов, №2 Шымкент ауруханасының бас дәрігері:

— Күйеуі жанында отырды. Ана жерде бүкіл дәрігерлер сасқалақтап болды. Өйткені бала үлкен боп туылды. Біз ойлағанбыз, 7-8 келі ме деп, алты жарым екен. Баланың жағдайы жақсы, дәрігерлер қарап жатыр. Анасының көңіл күйі жақсы. Үйінде бес бауыры күтіп отыр, төрт қыз бір інісі бар екен.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!