Пирамида жүйесімен құрылған кәсіпке бас-аяғы 9 миллиард теңге тартылыпты. Алаяқтар уәде етілген дивидендті компанияға жаңа тартылған салымшылардың қаражатынан төлеп отырған. Құжат жағынан мін таппайтындай іс-қағазын реттеп қойған пирамида басшылары азаматтарға "брокерлік қызмет көрсетеміз, бағалы қағаздар нарығындағы сауданы қыздырамыз" деп, уәдені үйіп-төккен.

Африкадағы Ангола Респубикасында алмаз өндіру жобасына қаржы салуда қызмет жүргіземіз деп те сендірген. Sax Invest-тің алыс-беріс қаражаты тек салымшылар ақша салған жағдайда ғана өсіп отырған. Кейін шоттағы қаражатты компания басқа тұлғаға аудару арықылы қолма-қол ақшаға айналдыруға болады деп алдаған.

Әлібек Әбділов, ҚР ҚМА ресми өкілі:

— 2018 жылғы қаңтардан бастап 2022 жылға дейін компанияның айналымы 18 млн долларға, шамамен 9 млрд теңгеге жетіп, салымшылар саны үш мың адамнан асқан. Бүгінде Sax Invest қаржы пирамидасын ұйымдастырушыларының бірі ұсталып, уақытша ұстау изоляторына қамалды.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!