Қазақтілді бизнес өкілдері табысқа жету құпиясымен бөліседі — Sana business forum
400 кәсіпкердің басын біріктіретін ауқымды жоба. Алматыда осы жексенбіде қазақтілді бизнес өкілдері табысқа жету құпиясымен бөліспек. Sana business forum — кәсібін жаңа деңгейге көтергісі келетіндер үшін таптырмас мүмкіндік.
Автор: Нұргүл Нұрланқызы
11.10.2024
Мұнда бизнес саласындағы жаңа трендтер мен кездесетін қиындықтар тек мемлекеттік тілде талқыланады. Кәсіпте табысқа жеткен спикерлер сын сағатта тығырықтан шығу жолдарын көрсетеді. Еліміздің түкпір-түкпірінде, сондай-ақ шетелде табысты жұмыс істеп жатқан бизнесмендер «Даму. Инновация. Серпіліс» блоктарында баяндама жасамақ.
Шара биыл екінші рет ұйымдастырылып отыр. Sana business forum осы жексенбіде таңғы 9-да ашылады.
Мақсат Халық, Sana business forum ұйымдастырушысы:
– Форумның негізгі мақсаты – қазақтың іскерлік ортасын қалыптастыру, ұлттық буржуазияны құру. Өйткені орта тап өкілдері мықты болса, онда ел іргесі де мықты болады. Ол елдің экономикалық өсімі де жылдамдайды. Іскерлік орта — экономиканың негізгі күре тамыры.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!