Іс-шара Қасым-Жомарт Тоқаевтың БРИКС саммитіне іссапары аясында өткізілді. Жаңа ескерткіш Назарбаев пен Качалов көшелерінің қиылысында орнатылған.

Қола бюст авторы — Нұрбол Қалиев. Оның биіктігі тұғырымен есептегенде үш жарым метр.

Ескерткіштің ашылуына еліміздің мәдениет және ақпарат министрі  Аида Балаева мен Қазандағы Қазақстан елшілігінің өкілдері, сондай-ақ Татарстанның мәдениет министрі қатысты. Алты жыл бұрын дәл осы жерге Қазақстан тарапынан сыйға берілген «Тайқазан» қойылған еді.

Аида Балаева, ҚР Мәдениет және ақпарат министрі:

– Бұл екі ел арасындағы достықтың, өзара түсіністік пен рухани туыстықтың дәлелі. Ашылудың БРИКС мемлекеттері ынтымақтастығы саммиті аясында өтіп жатқанының өзі іс-шараға ерекше сипат беріп тұр. Бұдан өзара мәдени байланыс нығайып, одан әрі тереңдей түсері сөзсіз.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!