Қақтығыс аймағынан шығарылған 41 отандасымыз Бейруттан Стамбұл және Дубай арқылы Алматы мен Астанаға жеткізілген. Қазақстан азаматтарын елге эвакуациялау қазанның 17-нен 31-і аралығында жүргізіліпті.

Сыртқы істер министрлігінің мәліметінше, Ливанда қазір 139 Қазақстан азаматы консул есебінде тұр. Оның ішінде дипломаттар мен олардың отбасы мүшелері бар.

Айта кетейік, Ливандағы жағдай қыркүйек айының соңынан бері ушығып тұр. "Хезболла" ұйымына қарсы деген желеумен Израиль әскерилері Ливан аумағын әуеден де, жерден де атқылауда.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!