Үстіне ағаш құлаған әйелдің сүйегінің сау тамтығы қалмапты. Аяғы, кеуде сүйегі үгітіліп, бел омырқтасы мен жамбасы сынған. Ауруханаға жеткенде жан тапсырды. Құлаған ағаштар ауладағы көліктерді де басып қалды. Қатты жел көтеріп әкеткен шатырлар да тұрақтардағы автокөліктерге түсіп зақымдады.

Осындай жағдай Екібастұз, Ақсу қалалары мен Баянауыл аданында тіркелді. Өңірде дүлей дауыл электр желілері мен шағын станцияларды қиратқан. Бүгін жарық беруге ұзын саны 15 бригада жұмылып жатыр. Сонымен қатар тағы 10 бригада құлаған ағаш пен ұшқан шатырларды жинастырып жүр.

Қазбек Рымбеков, Павлодар облысы ТЖД жедел тобының маманы:

— Ақтоғай, Баянауыл, Май, Ертіс, Шарбақты, Өспен және Аққұл аудандарында электр қуатын өшіру 28 фактісі тіркелді. Құрметті облыс тұрғынары мен қонақтары, ауа райының нашарлауы және қатты желге байланысты ТЖД жоғарғы сақтық шараларын сақтауға шақырады.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!