Қарағанды облысы: Дүлей дауылдан жарық сөніп, 25 жол апаты тіркелді
Қарағанды облысында екі күн соққан дүлей дауылдың салдары шығып жатыр. Қаланың кей көшесінде желідегі ақауға байланысты әлі жарық жоқ. Осы күндері 25 жол апаты тіркелген. Ал құтқарушылар мен полицейлер жолда бұзылып қалған автобус жолаушыларын жылы жерге тасымалдады.
Автор: Саят Дәулетжанұлы
08.11.2024
Ұялы байланысы жоқ далада жол үстінде тұрған көлікті алдымен полицейлер байқаған. Астанадан Шымкентке шыққан автобустың Алматы-Екатеринбург тас жолының 937-шақырымында жанармай беру жүйесі істен шыққан. Үскірік желге тоңған жолаушыларды арнайы көлікпен Ақсу Аюлы кентіне жеткізіп, мешітке орналастырды. Сол маңда Астана – Ташкент бағытында кетіп бара жатқан тағы бір автобус бұзылып жолда қалған. Ондағы 13 адамды полицейлер жақын маңдағы елді мекенге жеткізіп, бойын жылытты.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
