Былтыр мамыр айында түзеу мекемесінен мерзімінен бұрын шыққан Виктор Сербокрыл 43 жастағы криминалистен кек алмақ болып артына түскен. Айыптаушылардың айтуынша, ол еңбек демалысындағы Құмар Шайтосовты аңдып жүріп, өз үйінде бірнеше рет пышақтаған. Ол марқұмның басын кесіп алуға әрекеттенген. Десе де сотталушы кінәсін ішінара ғана мойындаған. Сот оны кәнілі деп танып, өмір бойына бас бостандығынан айырды. Енді ол жазасын қатаң режимдегі түрмеде өтейді.

Мәриям Сүлейменова, Қостанай облысы прокуратурасы басқармасының аға прокуроры:

— Сотталушының бұл қылмысқа алдын ала оқталғанын іс қағаздарына жазылған белгілерден байқауға болады. Ол тергеуші мен зардап шегушінің аты-жөнінің жанына «бауыздаймын» деп жазған. Ол бұл белгіні түзеу мекемесінде жатып жазғанын мойындады. Бұл қылмыстың  аса ауырлығын ескере отырып, соттан өмір бойына бас бостандығынан айыру жазасын сұрадық.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!