Тұрсын Машенов, стипендия иегері:

— Қуаныштымын. Себебі осы Қазақстан бойынша 2024 жылы 40 студенттің қатарына іліктім және өнер бойынша 20 студенттің қатарына ілігу бұл үлкен мәртебе деп білемін. Стипендия, ең бірінші, менің ойымша, мотивация береді. Сенің еңбегің көзге көрініп, жетістігің  еленіп жатқанын айтады.

Стипендия иегерлеріне бір жыл бойы, ай сайын 40 мың теңгеден төленіп отырады.

Айта кетейік, арнайы комиссия мүшелері байқауға қатысушыларды бірнеше қағидамен іріктеген. Студенттер оқуда, шығармашылықта, ғылымда, пайдалы істер мен қоғамға қызмет етуде өзін танытуы қажет. 14 жыл бойы жалғасын тауып келе жатқан шараның мақсаты – білімді әрі белсенді жастарды ынталандыру. 

Ермек Тоқтаров, Нұрсұлтан Назарбаев қоры жанындағы ғылым кеңесінің төрағасы:

— Мамандыққа қарамаймыз. Тек қана студенттер. Өте жоғары талаптарымыз бар. Өйткені, біз осы 14 жылда жыл сайын осы конкурсты өткіземіз. Студенттер, университеттер, тағы басқа да ғылыми жобалардан бізге өтініштер түседі.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!