Бейнероликте Кішкенекөл ауылындағы қос қабатты үйдің іші түсірілген. Жақтауымен қоса жұлынған есік, әжетхана мен басқа да заттардың жинаулы тұрғанын көруге болады. Осының бәрін аудандағы орталық аурухана өкілдері «алып кетті» делінген. Бірақ емдеу мекемесі басшылары «дәретханаға тиіспедік» деп азар да безер болды. Төрт жыл бұрын қаңырап тұрған бұл үйді сырттан келген дәрігерлерге жөндеп берген. Бірақ ауруханадан алыс әрі баспана қара суық болған соң, биыл басқа бос тұрған үйге көшіріпті. Ол жаққа «тек темір есіктерді ғана алдық» деп ақталды бас дәрігер. Ал унитаздың қайда жоғалғанын «білмеймін» дейді.

Лилия Федетова, Уәлиханов ауданы ауруханасының бас дәрігері:

— 2024 жылы бос тұрған үйді жөндеп берді. Аудандық, облыстық әкімдіктермен келісіп ол үйге биыл ауданға келген және ауруханада жұмыс істеп жатқан алты дәрігерге пәтерлерді бөліп берді. Олар сонда тұрып жатыр. Ал Кішкенекөл ауылы Әбу Әбішов көшесіндегі үйді әкімдік балансына қазан айында қайтарып бергенбіз.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!