Алматы - Өскемен тас жолында ойқастап айдап, өзге жүргізушілерге кедергі келтірген жас жігіттердің видеосы өткен апатада шыққан. Олар Қонаев қаласындағы перзентханадан Арна ауылына қарай аттанған. Жол-жөнекей трассадағы көліктердің алдын бөгеп, ойына келгенін істеген. Ал камераға түсіп айыппұл арқаламас үшін, тіпті жалған нөмір тағып алған.

Полицейлер жол жүру ережесін өрескел бұзған жүргізушілерді шет-шетінен ұстағаннан кейін құжаттарының да түгел еместігі анықталды. Осылайша кортежге қатысқан көліктің бәрі айып тұрағына қойылды.  Ал жүргізушілері темір торға тоғытылды.

Меруерт Морякова, Алматы облысы ПД ресми өкілі:

— Қатысушылардың бірі бес тәулік, қалған үшеуі бір тәулік әкімшілік қамауға алынып, төртеуі де бір жылға жүргізуші куәлігінен айырылды. Тағы екі құқық бұзушыға айыппұл салынды.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!