«Қазақстан теміржолы жүк тасымалы» компаниясына қарасты «Жем» локомотив депосының бастығы 1 жарым миллион теңгені тепловоз машинисі етіп жұмысқа орналастыру үшін алыпты. Бастыққа оны сол депоның кадр жөніндегі қызметкері алып келген екен. Пара бергенде де сол қызметкер делдал болған. Енді депо бастығы 3 жыл 6 айын темір тордың ар жағында өткізеді.

Сондай-ақ пара берген азамат пен оның танысы үш жылға, ал делдал болған теміржол қызметкері бір жарым жылға бас бостандығынан айырылды. 

Данияр Бегайдаров, ҚР Сыбайлас жемқорлыққа қарсы іс- қимыл агенттігінің ресми өкілі:

— Сотталғандар мемлекеттік қызметте және квазимемлекеттік сектор субьектілерінде қызмет атқару құқығынан өмір бойына айырылды. Сот актісі заңды күшіне әлі енген жоқ. 

Бізді Youtubе-та қараңыз! Бізді Facebook-та, Instagram-да, Telegram-да оқыңыз!