Мамандардың болжамынша, ауа райының күрт өзгеруіне солтүстік және оңтүстік циклонның қатар жүруі себеп. Еліміздің шығысы мен оңтүстік-шығысында күннің көзі көрінгенімен, қалың қар жауып, аяз тұрады. Әдеттегідей, аяз таулы аймақтарда қатты сезілмек. Онда температура бағамы 27 градусқа дейін төмендейді. 

Ал солтүстік пен орталықта түнгі ауа температурасы -25 градусқа дейін түсуі мүмкін.  Метеорологтар оңтүстік пен батыста ауа райы жылдағы қалыпты норма төңірегінде болатынын айтты. 

Назерке Сүгірәлі, «Қазгидромет» РМК инженер-синоптигі:

— Қазақстанның басым бөлігінде ауа райы солтүстік және оңтүстік циклондар айқындайтын болады. 14-15 желтоқсанда жаңбыр мен қар түрінде жауын-шашын, кей  уақытта  қатты жауын-шашын болжанады. 16 желтоқсан еліміздің шығысында, оңтүстік-шығысында қалың қардың жауады.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!