Лезде шарпыған от пен көк түтіннен адамдар шошып қалған. 60-қа жуық тұрғын үйінен өз бетінше шығып, құтқарушылардың көмегімен тағы 30 адам эвакуацияланды. Арасында бір отбасының төрт баласы бар. Абырой болғанда, зардап шеккендер жоқ, барлығы дін аман.

Оқыс оқиға бүгін таңғы сағат 7-де болған. Дүкен сөрелерінен шыққан жалынды мамандар дер кезінде сөндіріп үлгерді. Өрт электр сымдарының қысқа тұйықталуынан басталған.

Еркебұлан Өмірболат, Наурызбай ауданы ТЖБ аға инженері:

— 17 желтоқсанда таңғы 07:12 минутта Алматы қаласы Наурызбай ауданы Жүнісов көшесі 8/1 мекенжайындағы дүкенде тоқтың қысқа тұйықталуынан алты шаршы метр жер өртенді. Дүкен он қабатты тұрғын үйде орналасқан. Түтін подъездерге кіріп, адамдардың шығуына кедергі болды. ТЖ департаментінің күштері арқасында төрт бала эвакуацияланды.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!