Елімізді әлемге танытқан бірталай спортшы Академия түлектері. Қазір оқу ордасында 4 мыңға жуық студент білім алып жатыр. Академия осы күнге дейін мыңдаған жастың үлкен спортқа жолын ашқан. Арасында әлемге әйгілі болған спортшылар да бар. Академия студенттері Олимпиада ойындарында 32 алтын, 2 күміс пен 4 қола медальға ие болған. Сондықтан ауыл-аймақтағы шымыр да шыныққан жастар осы Қазақ спорт және туризм академиясын ойлайнбастан таңдайды.

Жібек Құлымбетова, джиу-джитсудан 11 дүркін әлем чемпионы:

— Бұл академияда қазақтың атын бүкіл әлемге танытқан Олимпиада чемиондары тәрбеленді ғой. Кішкентай кезімдегі арманым – осы спорт академиясына түсу еді. Аллаға шүкір, түстім. Керемет! Сабақ жоғары деңгейде өтеді. Маған өте қызықты.

Салтанатты шарада қазақ спортының қара шаңырағында жылдар бойы талмай жұмыс істеп келе жатқан ұстаздар марапатталды. Академия президенті кадр даярлау мсәселесіне көп көңіл бөлінетінін атап айтты. Алдағы 20 жылға дайын тұрған жоспар да бар екен. 

Қайрат Закирьянов, Қазақ спорт және туризм академиясының президенті:

— 80 жыл бұрын салынған академияның мерейтойын атап өтіп жатырмыз. Спорт – адам өміріндегі ең басты нәрсе. Сондықтан біз, ең алдымен, өз түлектерімізді мақтан тұтатымз. Біздің академияда 80-нен астам олимпиада чемпионы, 200-ден аса әлем чемпионы білім алған. Алдағы 20 жылда біз Қазақстанда Гарвард сынды спорт университетін ашуды жоспарлап отырмыз. Қазірдің өзінде өз қаражатымызға тау шаңғы курортын салдық. Ертең 4 төсеніші бар күрес залын ашамыз.

Тоғыз жыл бұрын «Үздік университет» атағын алған академияда қазір 4 мыңға жуық студент білім алуда. «80 жылда жасалған нәтижелер тек бастамасы ғана»,- дейді академия президенті.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!