Оқиға жарты жыл бұрын Мәртөк ауданына қарасты Жайсаң ауылында болған. Сотталушы аула жанында тұрған Mersedes-benz көлігіне қасқана от қойып, жүк машинасының түгі қалмай жанып кеткен. Сатуға апара жатқан 20 тонна дәптердің тек күлі қалды. Ал күдікті екі ай бойы бой тасалап тәртіп сақшыларынан қашып жүрген. Жүк көлігінің жүргізушісі жолай Жайсаң ауылындағы танысының үйінде тынығып алуға аялдаған.

Өзі кәсіпкерге жалданып жұмыс істейді. Сотталушы от қоярда мас болыпты. Бірақ кінәсін мойындамады. Ал көлігінен айырылған кәсіпкер күлге айналған дәптердің өзінен 12 миллион, жүк машинасы тіркемесімен 28 миллион шығынға баттым деп отыр. Енді 61 жастағы сотталушы осы қылмысы үшін алты жыл түрмеде отырады.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!