Тоқтарбек Түсіпбаев, Абай облысы мемлекеттік еңбек инспекциясы комитеті департаментінің бөлім басшысы:

— Бұл жерде мұғалімдердің мәртебесі туралы заң бар. Онда жазылған, мектеп мұғалімдерін басқа жұмысқа тартуға шектеу қойылған. Сол жағынан бұзушылық бар. Бұл жерде үш мектепке де тексеріс жүргізілмейді. Жазатайым оқиға бойынша ғана жүргізіледі.

Қуат Айтқалидің оқиғасына қатысты арнайы комиссия құрылды. Мамандар «Педагог мәртебесі туралы» заңның өрескел бұзылғанын мойындап отыр. Енді олар он күн ішінде қызметтік тексеріс қорытындысын құзырлы органдарға өткізуге тиіс. Ал шыршадан құлаған ұстаздың оқиғасынан кейін шаһардағы үш мектептің директоры мен қала әкімінің орынбасарына сөгіс жарияланды. Қалалық білім бөлімінің басшысы қызметінен қуылған. Ал ауыр жарақат алған мұғалім есін жиыпты. Алайда жағдайы әлі де ауыр, дейді туыстары.

Гүлнара Сәрсенбаева, ҚР Денсаулық сақтау министрлігі медициналық көмекті ұйымдастыру департаментінің директоры:

— Бүкіл медициналық көмекті біз көрсетеміз. Одан кейін оңалту жасап, өміріне қайтуға бүкіл жағдайын жасаймыз. Операция жасады. Ұйыған қанының бәрін алып, пластика жасады. Қазір пациент есін жиған.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!