Қаралы көшпен апаттан аман қалған жеті адам да Орал қаласындағы ауруханаға жеткізілді. Олардың екеуі — бала. Зардап шеккен ел азаматтарына бұған дейін «Большая глушина» елді мекеніндегі ауруханада алғашқы медициналық көмек көрсетілген. Қазір олар отандық дәрігерлердің бақылауына алынды.

Айта кетейік, қазақстандық жолаушылар 5 желтоқсанда Самара - Большая Чениговка тас жолында апатқа ұшырады. Оқиға орнында екі адам қаза болып, жеті адам ауыр жараланған.

Диас Жайлаубайұлы, Орал көпбейінді аурухана бас дәрігерінің орынбасары:

— Бір науқас жансақтау бөліміне жатқызылған болатын. Бірақ жағдайы қалыпты. Екі науқас политравма бөлімінде. Сүйектері сынған, жағдайы орташа ауыр. Бір науқас нейрохирургия бөлімінде. Жабық ми жарақатымен, жағдайы орташа ауыр.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!