Қайғылы оқиға 5 қаңтар күні болған. Жүргізуші тежегіш пен газды шатастырып, көлігімен өзенге құлап кеткен. Салонда болған төрт адамының біреуі жағаға жүзіп жетті. Ал құтқарушылар бір қыздың денесін апат болған жерден жеті шақырым жерден тауып алды. Оны ағыс алып кеткен. Іле-шала суға батқан көлік гидролокатордың көмегімен табылды. Бірақ жүргізуші мен тағы бір жолаушы іздестіріліп жатыр.

Үш күннен бері құтқарушылар Ертіс өзенінің 50 шақырым аумағын сүзіп шыққан. Оған 149 адам жұмылдырылыпты. Олардың ішінде Шығыс Қазақстан және Павлодар облысының құтқарушылары бар. Енді Алматы қаласынан қосымша сүңгірулер келеді деп күтілуде.

Азамат Орымбаев, Абай облысы ТЖД бастығының орынбасары:

— Іздестіру жұмыстары кезінде кедергі бар. Ол өзеннің қатты ағысы, екінші ұсақ қатқан мұздар кедергі келтіруде. Оның үстіне, іздестіру жұмыстары жүріп жатқан аумақ өте үлкен. 50-60 шақырымды құрайды.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!