Қолына кісен салынған — кәсіпорынның бас директорының орынбасары мен оның қарамағындағы құрылыс басқармасының басшысы. Олар мемлекеттік сатып алу шарттарын жасап, орындалған жұмыс актілеріне қол қойған және осы құжаттар негізінде ақы төлегені үшін кәсіпкерлерден жүйелі түрде пара алыпты. Яғни құжаттағы қабылданғанған нысан мен атқарылған шаруа нәтижесі сәйкес емес. "Еңбек" кәсіпорны мен оның филиалдары түзету мекемелеріндегі жазасын өтеп жатқан азаматтарды жұмыспен қамтиды. Түрмедегі тігін, жиһаз цехтары, құрылыс жұмыстары мен басқа да көптеген өнім өндіру орындарына жауапты.

Данияр Биғайдаров, ҚР Сыбайлас жемқорлыққа қарсы іс-қимыл агенттігінің ресми өкілі:

— Бас директордың орынбасары мен құрылыс басқармасының басшысы кәсіпкерлерден жүйелі негізде пара алды деп күдіктенеді. Сот санкциясымен күдіктілер қамауға алынды, тергеу жалғасуда. ҚПК 201-бабына сәйкес, өзге ақпарат жария етуге жатпайды.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!