Мереке Құлкенов, Жазушылар одағының төрағасы:

— Қазақ әдебиетіне, қазақ тарихына өлешусіз еңбек сіңірген адам болса, соның бірі — Мұхтар Мағауин. Мағауинсіз қазақ әдебиетін, қазақ руханиятын елестету қиын. Мен солай деп ойламын. Өйткені ол кісінің тарихи романдар, керемет повестері, әңгімелерін былай қойғанда, оның қазақ әдебиетінің тарихына сіңірген еңбегі, бәленбай ғасыр бұрынғы жырауларымызды бері қарай алып келген —  Мағауин.

Мұхтар Мұқанұлы 1940 жылы қазіргі Абай облысының Шұбартау ауданында дүниеге келген. Ұстаздар отбасында тәрбиеленген жазушының «Кешқұрым» атты тұңғыш әңгімесі осыдан 60 жыл бұрын «Жұлдыз» журналында жарық көрген. Сондай-ақ оның «Аласапыран», «Бір атаның балалары» мен «Өмір жыры» сынды туындылары қазіргі өскелең ұрпақтың жадында сақталған.

Айта кетейік, Мұхтар Мағауин өмірінің соңғы күндерін отбасымен АҚШ-тың Мерилэнд штатында өткізді. Қаралы хабарды бүгін жазушының ұлы Едіге Мағауин әлеуметтік желідегі парақшасында жариялады. Қара жамылған отбасыға ел президенті Қасым-Жомарт Тоқаев қайғыра көңіл айтты.

Қасым-Жомарт Тоқаев, Қазақстан Республикасының президенті:

— Мұхтар Мұқанұлы ғибратты ғұмырын киелі сөз өнеріне арнаған, ұлттық әдебиетіміз бен тарихымыздың көкжиегін кеңейтуге елеулі үлес қосқан заңғар тұлға еді. Төл руханиятымыздың төрге озуына, ұлт тарихнамасының тасқа басылуына өзінің алға қойған асыл мұратымен, қайтпас қажыр-қайратымен қалтқысыз еңбек сіңірді. Халық жазушысының қуатты қаламынан туған шығармалары, тарихи еңбектері, естелік-эсселері қалың оқырманның жүрегінен өз орнын тапты. Соңына бай әдеби мұра қалдырып, өнегелі өмір сүрген Мұхтар Мұқанұлының қайталанбас есімі халқымыздың жадында сақталады. Марқұмның иманы саламат, жаны жәннатта болсын.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!