Лос-Анджелесте бір уақытта алты жерден тұтанған өрттің бірде-бірі әлі толық сөндірілген жоқ. Тілсіз жау алты күнде 16 мың гектар жерді жайпап, 12 мыңдай үйді күлге айналдырған. Әсіресе элиталы Пасифик-Палисейдс ауданы қатты зардап шекті. Голливуд жұлдыздарының миллиондаған долларға тұрғызған баспаналары жанып кетті. Қызыл жалынды ауыздықтауға аймақта мыңдаған маман жұмыс істеп жатыр.Тағы 14 мың өрт сөндіруші Канада мен Мексикадан тартылған.

Синоптиктердің хабарлауынша, бүгін-ертең жел тұрып, жалын екпіні одан да күшеюі мүмкін. Сондықтан тағы 87 мың адамға қауіпсіз жерге кету туралы ескерту жасады. Иесіз қалған баспаналарға ұры түсуде. Полиция 20 мародерді қамауға алды. Өрттен келген шығын 135-150 миллиард доллар аралығында деп есептелуде. Бұл АҚШ тарихындағы ең алапат табиғи апат делінді. 

Бізді Youtubе-та қараңыз! Бізді Facebook-та, Instagram-да, Telegram-да оқыңыз!