33 жастағы Ресей азаматы біраз уақыттан бері алматылықтардың есепшотынан ақша шешіп отырған. Ол бұл алаяқ схемамен тараздық зейнеткерді де сан соқтырып кетті. Күдікті кейуананың банк картасын қолға түсіріп, 13 млн 200 мың теңгесін банкоматтан шешіп алыпты. Жымысқы ісін жүзеге асырған соң шетел азаматы ел аумағынан шығып кетпек болған. Бірақ із суытып үлгермей ұсталды. Қазір оның басқа да қылмыстарға қатысы бар-жоғы тексеріліп жатыр.

Гүлсара Мұхтарқұлова, Жамбыл облысы ПД баспасөз қызметінің жетекшісі:

— ҚР ҚК 190-бабы 3-бөлігімен сотқа дейінгі тергеу басталды. Қылмыстың барлық мән-жайын анықтауға бағытталған тергеу шаралары жүргізіліп жатыр.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!