Көкшетау: Колледж студенттері мыңға жуық электронды темекіні заңсыз саудаламақ болған
Көкшетаудағы колледж студенттері мыңға жуық электронды темекіні заңсыз саудаламақ болған. Елімізде тыйым салынған бұл өнімдердің құны шамамен 15 миллион теңгеге бағаланады. Көлеңкелі кәсіппен айналысқан қос студент 50 тәулікке дейін әкімшілік қамауға алынуы мүмкін.
Автор: Мерген Тоқсанбай
20.01.2025
Адам денсаулығына зиянды деп танылған темекінің бұл түріне шектеу қойылса да, оның саудасы тиылмай тұр. Ақмола облысының есірткімен күрес бөлімінің қызметкерлері колледж студенттерінен ірі көлемдегі вейб тәркіледі. Енді күдіктілердің әрқайсысына 740 мың теңге көлемінде айыппұл салынуы немесе 50 тәулікке дейін қамалуы мүмкін.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
