Ірі сауда нүктелері бұны соңғы күндердегі картопқа деген сұраныстың күрт артуымен түсіндіріп отыр. Дәмханалар мен тамақтану орталықтарының иелері бірден 20-30 қаптан тиеп алып кетіпті. Қорды молайтып, отандық картоп өндірушілермен байланысты бір жолға қойдық деген супермаркеттер енді әр азамат картопты қанша алса да "патша көңілі мен қалтасы біледі" деп отыр. Ал бағасына келсек, көкөніс әр жерде әр түрлі бағамен сатылуда. Орташа есеппен 280-300 теңге шамасында.

Таңат Нұрсейітов, сауда орнының жетекші маманы:

— Біз картоп алуға уақытша, екі күнге шектеу қойдық. Себебі нарықта үлкен көлемде сатып алушылар болды. Өзіміздің аздаған картошкамызды шектеуге тура келді. Екі күннен соң шектеуді алдық. Бір мөшек мөшек сұраса да береміз. 20 қап, 30 қап сұрады. Олардың көтерме саудадан екенін білдік т,е өзіміз шектеу қойдық.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!