Жамбыл облысында жанармайды шекара асырып жүргендер ұсталды
Жамбыл облысында көлігіне жанармай толтырып алып шекара асырып жүргендердің жолы кесілді. Заңсыз тасымалмен айналысқандар сұйық отынды Қырғызстанға жеткізіп келген. Олар арнайы жабдықталған көліктерге тоннаға жуық жанармайды оп-оңай құйып алуға дағдыланыпты.
Автор: Сәбит Әлдебай
30.01.2025
Көліктеріне көлгітіп бензин толтырған жүргізушілер арнайы рейд кезінде қолға түсті. Кейбіреуі қосымша бак жасап алған. Мұндай жеңіл машиналар айыптұраққа қойылды. Полицейлер ұсталғандар қосымша бактарын алып тастамайынша, ол жерден шығарылмайды дейді. Заңсыз әрекетке барған 130 жүргізуші енді айыппұл төлейді.
Гүлсара Мұхтарқұлова, Жамбыл облысы ПД баспасөз қызметінің жетекшісі:
— Көлік құралына заңсыз өзгерістер енгізген 130 жүргізуші жауапқа тартылды. ҚР Әкімшілік құқық бұзушылық туралы кодекстің 590-бабының 7-бөлігі бойынша хатама толтырылды. Автомашиналар заң бұзушылық жойылғанға дейін арнайы тұраққа қойылды.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!