Оқиға Әлия Молдағұлова көшесінің бойында салынып жатқан тоғыз қабатты жаңа үйдің маңында болды. Құрылыс аумағы дәл тротуарға тиіп тұр, тек қаңылтырмен жан-жағын қоршап қойған. Адам өтетін тұсында қауіпсіздік үшін күнқағар салған, бірақ онысы да жұқа қаңылтыр. Төбеден құлаған кірпіш оның да быт-шытын шығарды. Куәгерлер алғашқыда 69 жастағы қарт тек жарақат алған болар деп ойлапты. Дереу жедел жәрдем де шақырған. Бірақ оқиға орнына келген бригада зейнеткердің тіл тартпай кеткенін айтады. Қазір құрылыстағы қауіпсіздіктікті сақтамағандарға қатысты қылмыстық іс қозғалды.

Айта кетелік, Оралда дәл осындай жағдай бір жыл бұрын да болған еді. Ол кезде басына кірпіш түскен әйел жантәсілім еткен.

Әлима Ғарифуллина, БҚО ПД баспасөз қызметінің маманы:

— Алған жарақаттарынан оқиға орнында көз жұмды. Аталған факті бойынша қылмыстық іс тіркелді. Қазір тергеу жүргізіліп жатыр.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!