Ақынның 180 жылдық мерейтойы кең көлемде тойланады. Республикалық және облыстық деңгейде 500-ге жуық іс-шара өткізу жоспарланған. Ал бүгін Абайдың «Жидебай- Бөрілі» мемлекеттік қорық-музейі іс-шаралар легінің шымылдығын көрмемен ашты. Онда ағартушының қолжазбалары, естеліктер, аспаптар мен фотосуреттері жұрт назарына ұсынылды. Сондай-ақ Хәкім Абайдың Санкт-Петерборда басылған тұңғыш өлеңдер жинағы, 1922 және 1933 жылдары жарыққа шыққан кітаптары орын алды. Қазір ұлы ойшылдың бас музейінде 900-ден аса бейнелеу туындысы сақталған. 

Нұрсұлу Өмірбекова, экспозиция және көрме ұйымдастыру бөлімінің меңгерушісі:

— Абайдың өзі кезінде өлкетану музейіне тапсырған жәдігерлерінің бірі — ағаш құты қурайдан жасалған сыбызғы музыкалық аспабын осы көрмеден көруге болады және де Абайдың өмірде екі суреті сақталған. Оның бірі — балаларымен түскен, екіншісі — отбасымен түскен сурет. Сол  суретті де осы көрмеден көресіздер.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!