Үлкен Алматы айналма жолында тариф екі есе өсіріледі
Жолда көлік көбейген сайын, жүру құны да өседі. 66 шақырымды құрайтын Үлкен Алматы айналма жолында тариф екі есе өсірілмек. Жаңа тариф бірер айдан соң өз күшіне енеді.
Автор: Шапағат Мырзабекова
31.01.2025
Жаңа бағаға сәйкес, жеңіл көліктерге 260 теңгенің орнына 550 теңге, 16 жолаушы орны бар және екі жарым тоннаға дейінгі жүк көліктерге — 629 теңге, 32 орны бар және бес жарым тоннаға дейінгі жүк көліктері үшін 1100 теңге, ал 32-ден көп орны бар автобустар мен 10 тонналық жүк көліктері үшін 1258 теңге, жүгі 10-нан 15 тоннаға дейінгілерге 1572 теңге, ал 15 тоннадан жоғары жүк таситын көлікке баға 1730 теңгені құрамақ. Сәйкесінше, айлық және жылдық абонементтер де қымбаттайды. Көлік министрлігінің өкілдері мұндай шешімді жол салып берген мердігер алдындағы берешекті қайтаруға бағытталған деп отыр. Қазір жалпы қарыз құны 170 миллиард теңгені құрайды.
Жамбыл Бақтиярұлы, ҚР Көлік министрлігі, автомобиль жолдары комитеті төрағасының орынбасары:
— Алдыңғы БАКАД-ты енгізген кезде бұл жоба инвесторлардың қаражаты есебінен жасалып отыр. Сондықтан осы ақылы жүйеден түскен ақшадан инвестициялық шығынды қайтарады. Дегенмен бүгінгі күнде көптеген жол қолданушы шамамен 3,6 миллиард теңге қарызды, жолда жүргеннен кейін, ақшасын төлемей отыр. Соны ынталандыру мақсатында біз 15 күнге дейін төлесе, ешқандай шығын болмайды, 15 күнен асса. екі есе. Бұл әлемдегі тәжірибе.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
