Көмір бағасы жыл сайын 10 пайызға өсіп жатыр
Қазақстанда көмір бағасы жыл сайын 10 пайызға өсіп жатыр. Мұны әсіресе орталықтан алыс орналасқан өңірлер сезінуде. Мәселен, Ақтөбе облысында биыл бірден 25 пайызға шарықтапты. Бұған логистиканың да әсері жоқ емес. Оның үстіне елдегі көмір өндірісі де екінші жыл қатарынан бәсеңдеген екен.
Автор: Саят Дәулетжанұлы
31.01.2025
Елімізде гаизификация қарқынды түрде жүріп жатқанымен, жеке үйлердің 18 пайызы көмір жағады. Кейбір өңірде тіпті елу пайыздан асады. Өткен жылдың жеті айында қара алтының бағасы ай сайын көтерілген. Әсіресе жылыту маусымы басталатын қыркүйекте бірден 2,6 пайызға өсіпті. Бұл 2018 жылдан бергі жоғарғы көрсеткіш. Көмір ең қымбат өңір Ақтөбе облысы. Онда тоннасының орташаға бағасы 23 мың теңге, ал Қонаевта 22 мың. Артынша Шығыс Қазақстан мен Абай және Солтүстік Қазақстан облыстары тұр. Баға тек көмір шығатын Қарағанды мен Павлодар облыстарында ғана былтырдан бері өзгермепті. Жалпы ел бойынша осымен екінші жыл қатарынан қатты отын өндірісі бәсеңдеген.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
