Былтыр Хромтау ауданындағы «Мағаджан» плотинасы көктемде бұзылған-ды. Бөгетке жиналған су маңайдағы үш ауылға жайылып, көршілес Алға ауданының Бесқопа, Қызылту мен Табантал елді мекендерін басты. Жарылған бөгеттің кесірінен Қарғалы мен Елек өзені бойындағы бау-бақша ұжымдарында тұратындарды қауіпсіз жерге көшіруге тура келді. Кейін тексеру кезінде плотинаны күтіп ұстамағаны анықталды. Он жыл бұрын аудан әкімдігінен бөгетті сенімгерлік басқаруға алып, жөндеу де жүргізбеген. Енді ауыл-аймаққа қауіп төндіріп, жұртты әбігерге түсіргені үшін кәсіпкер екі жарым жыл бойы еркін жүріп-тұра алмайтын болды.

Жадан Бисенбин, Ақтөбе облысы экономикалық тергеп-тексеру департаменті басқармасының бастығы:

— 2014 жылы бөгет балық шаруашылығын жүргізу мақсатында жеке компанияға сенімгерлік басқаруға берілген. Алайда ЖШС тарапынан. Бөгетті күтіп ұстау және қызмет көрсету бойынша өз міндеттерін тиісінше орындамаған.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!