Ақмола облысы: Щучьеде ер адам бұрынғы әйелін пышақтап өлтірді
Ақмола облысында ер адам бұрынғы әйелін пышақтап тастады. Ішімдік ішіп отырған екеуінің арасында жанжал туып, экс-күйеуі пышақ ала жүгірген. Ауыр жарақат алған әйел бірнеше сағаттан соң аурухана төсегінде көз жұмды.
Автор: Мерген Тоқсанбай
12.02.2025
Оқиға Щучье қаласында болған. Пышақталған 33 жастағы келіншекті Бурабай ауданы ауруханасына жеткізгенімен, дәрігерлер оны ажалдан аман қалып қала алмады. Ащы судың кесірінен болған ұрыстың ақыры адам өлімімен аяқталды. Марқұмның соңында үш баласы болғанымен, ол ата-ана құқығынан айрылған екен. Ал пышақ салған ер адам азаматтық некедегі бұрынғы күйеуі көрінеді. Қазір ол қамауға алынып, тергеу басталды.
Әлия Біләлова, Ақмола облысы ПД жетекші маманы:
— Дау-дамай кезінде бұрынғы бірге тұрған адам әйелге пышақ салғаны анықталды. Соның салдарынан соңғысы қайтыс болды. Тергеу жүргізіліп жатыр. Күдікті ұсталып, уақытша ұстау изоляторына қамалды.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
