«Экология». Ұлытау облысында кәсіпкерлерден пара алған қос шенеунік сотталды
Ұлытау облысы экология басқармасының бұрынғы басшысы мен оның орынбасарына сот үкімі шықты. Экологияға рұқсат қағазын бергені үшін кәсіпкерлерден пара алған қос шенеунік алты жылға сотталды.
Автор: Саят Дәулетжанұлы
20.02.2025
Дастан Тілеубеков пен Әмірхан Тарғынов кәсіпкерлерден өткен жылдың қазаны мен желтоқсаны аралығында 5 миллон теңгеден астам пара алған. Біреуінен қоршаған ортаның көрсеткішін бақылауды мақұлдауға 1 миллион 750 мың теңге алыпты. Екінішісі құжатқа қол қойдыру үшін 3 жарым миллион теңге ұстатқан. Әбден дәніккендер биыл қаңтарда екі кәсіпкерден тағы 5 миллион теңге алыпты. Пара берген кәсіпкерлер де жазасыз қалмады. Оларға сот 35 және 70 миллион теңге айыппұл салды. Кәнісін толық мойындаған экс-шенеуніктер енді мемлекеттік қызметке жолай алмайды.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
