Тасқыннан қорғайтын нысандар жүрдім-бардым тексерілген
Сел мен су тасқынынан қорғауға арналған нысандар жүрдім-бардым тексерілген. Тексерушілер гидротехникалық нысындарға тек қағаз толтыру үшін барады деген ой қалыптастырады деді сенаторлар.
Автор: Дастан Қуандық
27.02.2025
Сенатор Лукиннің айтуынша, бұл нысандарда тексеру формалды түрде жүргізілуде. Мәселен, 2021 жылы Үлкен Алматы өзенінің бассейніне қатысты екі тексеру актісі жасалған. Бірақ екеуінің арасы бір-ақ ай, әрі екі құжатта да бірдей фотоматериал қолданылған. Мұндай жағдайлар Ақсай өзенінің дамбасы мен Кіші Алматы өзенінің арнасын тұрақтандыру секілді басқа объектілерде де тіркелген екен.
Андрей Лукин, сенат депутаты:
— Біз барлық гидротехникалық құрылғылардың жағдайын толық тексеруді, сарапшы тартуды, апатты объектілердің шұғыл жөндеуге арналған жоспарын әзірлеп, қаржы бөлуді, табиғи апаттардың алдын алу және салдарын жою бойынша мемлекеттік бағдарламалардың орындалуын бақылауды күшейтуді, жобалау мен құрылыс кезінде жіберілген бұзушылықтармен айналысуды, сондай-ақ лауазымды тұлғалардың жауапкершілігін анықтауды қажет деп санаймыз.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
