Балаларға арналған SIM-карта пайда болуы мүмкін
Елімізде балаларға арналған арнайы SIM-карта пайда болуы мүмкін. Оқу-ағарту министрлігі әрбір ата-ана кәмелетке толмаған перзентіне арнайы тарифі бар картаны сатып алуға міндеттуді көздеп отыр.
Автор: Айжан Шамшидин
12.03.2025
Ұсыныстың жүзеге асырылуын салаға жауапты бірқатар министрлік өкілдері талқылап жатыр. «Балаларға арналған SIM-картаның артықшылығы да көп» - дейді вице-министр Еділ Оспан. Оқушы жағымсыз, бейәдеп контентті көре алмайды, сондай-ақ ата-анасы жұмыста отырып-ақ, баласының жүріп-тұрғанын бақылап отырады.
Сондай-ақ қай сайтқа бас сұқса да, үлкендердің рұқсаты сұралады. Тағы бір жаңашылдық — SIM-карта арқылы жасөспірімнің интернетке кіру уақытын шектеуге мүмкіндік бар.
Еділ Оспан, ҚР Оқу-ағарту вице-министрі:
— Халықаралық тәжірибе көрсеткендей, балаларға арналған SIM-картаны пайдалану цифрлық қауіпсіздікті қамтамасыз етеді. Ата-ана баласының қауіпсіздігін бақылау және қамту үшін жоғары технология пайдаланады. Ал операторлар өз ұсынысын отбасының қажеттіне қарай бейімдейді.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
