Легионерлерді бюджеттен қаржыландыруға тыйым салатын заң мақұлданды
Спортшыларды сырттан алдырып мемлекеттің миллиондарын төлеуге енді рұқсат жоқ. Бүгін Сенат легионерлерді бюджет есебінен қаржыландыруға тыйым салатын заңды мақұлдады.
Автор: Дастан Қуандық
27.03.2025
Бірақ бұл Қазақстанға легионерлер мүлдем келмейді деген сөз емес. Шетелдік спортшыларды қаржыландыру спорт клубтары мен демеушілердің қалтасынан төлене бермек. Тек мемлекет қазынасынан ақша алуға болмайды. Біздегі спорт клубтарының түгелге жуығы олимпиадалық спорт түрлері бюджеттен толық қаржыландырылатынын ескерсек, үнемделетін ақша да аз емес. Ал сол қаржы бұқаралық спортты дамытуға, сондай-ақ еліміздегі спорт сарайлары мен алаңдарды жаңғыртуға бағытталмақ.
20 жылдан астам уақытта легионерлер қазақ спортына өз үлесін қосты, дегенмен соңғы жылдардағы нәтиже көңілден шықпайды, дейді туризм және спорт вице-министрі.
Серік Жарасбаев, ҚР Туризм және спорт вице-министрі:
— Егер футболды алсақ, 14 команданың ішінде 325 спортшы ойнаған, ішінде 149-ы Қазақстан азаматы емес. 45-50 пайызға дейін легионер. Сондықтан біз осы заңмен,, біріншіден, легионерлердің жалақысын болсын, олардың төлем ақысын, бәрін шектеп, бюджеттен және квазимемлекеттік сектордан төлеуге тыйым саламыз.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
