Перизат Қайраттың ісі: Шығын 3 жарым миллиард теңгені құраған
Перизат Қайратқа қатысты тергеу аяқталып, қылмыстық істің сотқа жетуіне аз қалды. Қаржы мониторингі агенттігі атышулы істің жүзден астам томын зерттей келе, шығын көлемі 3 жарым миллиард теңгені құрайтынын мәлімдеді.
Автор: Дастан Қуандық
03.04.2025
Перизат Қайрат тергеуде заңды құқығын пайдаланып, жауап беруден бас тартқан. Адвокаттары да бірнеше рет ауысып, қазір ол жаңа қорғаушылармен жұмыс істеп жатқан көрінеді.
Еске салсақ, меценат сымақ Перизат көктемгі су тасқынынан зардап шеккен азаматтарға, тіпті палестиналықтарға гуманитарлық көмек көрсетуге, сондай ақ мүгедек балаларға арналған орталық салу үшін жиналған миллиардтарды жымқырды деген күдікпен қамауға алынған. Ол өзін бизнес-леди ретінде көрсетіп, қылмыстық жолмен алынған қаржыны гүл сататын дүкен арқылы жылыстатуы мүмкін, дейді қаржы мониторингі агенттігі.
Жеңіс Елемесов, Қаржы мониторингі агенттігі төрағасының орынбасары:
— Тергеу аяқталды.Қылмыстық іс материалдарымен танысу кезеңі жүріп жатыр. Бұған дейін шығындардың әр түрлі санын атағанбыз. Зерттей келе, жалпы шығын 3 жарым млрд теңге деген шешімге келдік.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
