Кеденшілер 12 тонна кесіртке терісін тәркіледі
Қытайлық кеденшілер тарихта ең ірі контрабанда – 12 тонна кесіртке (панголин) терісін тәркіледі. Бұл туралы Қытайдың мемлекеттік телеарнасы хабарлады.
19:25 30.11.2017
Мұндай орасан жүкті сату үшін, кем дегенде, 20 мың кесірткі өлтіру керек. Құрып бара жатқан, яғни сирек кездесетін кесірткінің бұл түрі панголин деп аталады. Панголиннің терісін халық медицинасында демікпе, ревматизм және шорбуын ауруларын емдеуге қолданады. Дегенмен дәрінің пайдасы ғылыми түрде зерттелмеген. Қытай мен Вьетнамда панголиннің етіне сұраныс өте жоғары. Аталмыш елдерде 2017 жылдың қаңтарынан бастап жануарларды сатуға тыйым салынған.
Жүк Гонконгқа жақын орналасқан Шэньчжэнь қаласында тәркіленді. Синьхуа ақпараттық агенттігінің хабарлауынша, заңсыз контрабанда кезінде екі адам ұсталды.
Айта кетсек, панголина немесе кесіртке - сирек кездесетін плаценттік сүтқоректілер тобына жатады.
ВИДЕО: CCTV 13 (YouTube)
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
