81 жастағы қария мүгедек қызын құтқарам деп күйіп қалды
ШҚО елді мекендердің бірінде жантүршігерлік оқиға болды.
17:00 04.12.2017
Егде жастағы зейнеткер өздігінен жүре алмайтын мүгедек қызын өрттен алып шығам деп денесінің 50 пайызын күйік шалды, - деп хабарлайды ШҚО Төтенше жағдайлар департаментінің баспасөз қызметі.
Глубокое ауданы Тарханка ауылындағы жер үйлердің бірі отқа оранған. Жалын үйдің қасындағы монша мен жазғы сарайды шарпығанда үй иесі, 81 жастағы қария 50 жастағы жүре алмайтын мүгедек қызын өрттен құтқаруға ұмтылған. Көршілері өрт сөндірушілерді шақырды.
«Жанып жатқан үйде бірнеше газ баллоны бар екенін естідік. Біз жеткенше оның біреуі тұтана бастаған. Құдай сақтап оның тысқа шығарып, суытып үлгердік. Қызы аман-сау, ал қарт адамның қатты зардап шекті. Ол ем алудан үзілді-кесілді бас тартса да, біз оны дәрігерлерге тапсырдық », - деді ПЧ-5 күзетінің бастығы Данияр Биекенов.
Зардап шеккен қария Өскемен қаласындағы №1 қалалық аурухананың травматология бөлімінде жатқызылды. Арқасын, басын күйік шалған.
Мамандардың болжамынша, өрттің себебі пеш пен электр жабдықтарын пайдалануда қауіпсіздік техникасын сақтамауынан болуы мүмкін.
Фото: ШҚО Төтенше жағдайлар департаменті
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
