Туған ұлын зорлаған бұрынғы мектеп директоры сотталды
Алматы облысында өз ұлын зорлады деп айыпталған бұрынғы мектеп директоры 16 жылға сотталды. Бүгін сот үкімі жария болды.
18:13 07.12.2017
Төрт баланың әкесі, 35 жастағы еркек қылмыстық жазасын қатаң режимдегі колонияда16 жыл өтейтін болады, - деп хабарлады Алматы облыстық сотының баспасөз қызметі.
Талғар аудандық сотында жабық режимде өткізілген сотта айыпталушы ҚР ҚК 121 бабы 4-ші бөлігі және 107 баптың 1-ші бөлігі бойынша кінәлі деп танылды.
Сотталған азамат кәмелетке толмаған балалармен жұмыс істеу және мұғалімдік қызмет атқару құқығынан өмір бойына айырылды.
Айта кетсек, айыпталушы, Оңтүстік Қазақстан облысының тумасы 9 жастағы туған ұлын бірнеше жыл қатарынан зорлап келген.
«Еңбекшіқазақ ауданындағы Жаңашар ауылында мектеп директоры болған. Ол өз еркімен 31 шілде күні жұмыстан шығып кеткен», - деп мәлімдеді Алматы облыстық білім басқармасы.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
