ВИДЕО: Қазақстан әртістері Шереметьевоны дүр сілкіндірді
«Астана мюзиклінің» әртістері «Шереметьево» әуежайында ұшуды күтіп отырып «Көзімнің қарасы», «Менің Қазақстаным» әндерін орындап, жолаушылардың көңіл күйін көтерді.
16:40 15.12.2017
Бұл туралы Tengrinews.kz хабарлайды.
Қазақстандықтар Париж, Брюссель, Вена, Канн, Берлин – Еуропа гастрольдік сапарынан келе жатыр. Мәскеуде гастрольдің соңғы концерттін берген болатын.
Astana Musical театрының әкімшілік директоры Олжас Ыбраевтың айтуынша, Шереметьево әуежайында рейсті 30-40 минутқа кешіктірген. "Бәрінің көңіл күйін көтергіміз келді. Туған жерімізді сағынып кеттік. Екі апта гастрольдік сапарда болғанбыз. Әрине, жолаушылар алғашында таңданысын жасырмады, «бұл не», бұлар кім» деп аң-таң болды. Сосын сұрастыра бастады. Әннің сөзін білетіндер қосылып шырқады. Тіпті ресейлік бір әйел біздің кедендік бақылаудан өткенде Қазақстан халқының талантты екенін айтты", - дейді Ыбраев.
Оның айтуынша, гастрольдік сапарға шамамен қазақстандық 70 әртіс қатысты. Бұл жас ұжым. Ең ересегі 25 жаста. "Жас театр. Биыл екінші маусымды аштық", - деп түсіндірді Astana Musical әкімшілік директоры.
ДЕРЕККӨЗ: Tengrinews.kz
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
