Қазақ сайттарының негізгі міндеттері аталды
ҚР Ақпарат және коммуникациялар министрі Дәурен Абаевтың айтуынша, қазіргі теxнологиялық заманда бәсекелестікке төтеп беріп, ақпарат кеңістігінен лайықты орын алу үшін қазақ тілді интернет ресурстарына бірнеше маңызды мәселені шешу керек.
16:19 20.12.2017
Бұл туралы ҚазАқпарат хабарлады.
«Біріншіден, контентке қатысты көзқарасты өзгерту керек. Қазір ақпараттың мазмұнын қалыптастыруға қолданушылар тікелей ықпал ете бастады. Өкініштісі, осының салдарынан сенсацияның соңына түскен сайттар жеткілікті. Әрине, бұл ретте аудиторияны ұдайы зерттеп, әр оқырманның сұранысын ескеру керек. Алайда кез келген мәселеге елдік мүдде, ұлттық таным мен тәрбие, сондай-ақ журналистік этика тұрғысынан қарау қажет. БАҚ әлеуметтік желіден басты айырмашылығы да, артықшылығы да осы», - деді Д.Абаев.
Министрдің айтуынша, келесі жылы ауылдық жерде тұратын 2 млн-нан астам адамға сапалы интернет тарту жұмыстары басталады. Аталған шаралар екі жылда аяқталады деген жоспар бар.
Ал 2022 жылға дейін Қазақстанның барлық ауылдарында жылдам интернет болады.
«Оларға қандай контент ұсынуға болады? Міне, осы мәселені сайттарымыз қазірден бастап зерттеп, контенттік саясатты жолға қоя алса, қолданушылардың бірнеше есеге артатыны сөзсіз. Енді, өздеріңіз жақсы білесіздер, ауылды жерлерде, көбінесе, қазақ тілді бауырларымыз тұрады. Олар алдымен Сіздердің сайттарыңызға келеді, Сіздердің басты тұтынушыларыңыз болады».
«Екінші мәселе, ел мүддесі сынға түскенде қазақ тілді бұқаралық ақпарат құралдары алдынғы қатардан табылуы тиіс».
«Үшінші мәселе, дәстүрлі бұқаралық ақпарат құралдары мен жаңа медианың қарым-қатынасын тереңдету керек. Себебі бүгінде әлеуметтік медианың басымдығы жайында жиі айтылады. Алайда соңғы зерттеулерге сәйкес, теледидар сияқты дәстүрді бұқаралалық ақпарат құралдарының ықпалы фэйсбуктен үш есе артық. Сондықтан дәстүрлі БАҚ пен жаңа медианың мүмкіндіктерін шебер ұштастыра білген жөн».
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
