ВИДЕО: жүргізуші жаралы досын тастап қашып кетті
Алматы - Астана тас жолында Nissan көлігі жол жиегінен шығып аударылды.
18:33 21.12.2017
Куәгердің айтуынша, рөлде отырған жүргізуші мас болған.
Бұл турады patrul.kz хабарлайды.
Nissan Primera тас жолда оңтүстік бағытта келе жатқан. Осы уақытта қарсы алдынан Қаскелеңге бет алған джип шықты. Джип жүргізушісі қарсы көліктің бұлғалаңдап келе жатқанын байқады. Сол мезетте Nissan жол жиегінен шығып кеткен. Джип жүргізушісі көлігін тоқтатып, жүгіріп келіп, алдыңғы орында қатты жарақат алған ер адамды көреді. Ал жеңіл көліктің жүргізушісі мен жолаушысы қашып кеткен.
Куәгер өз күшімен жарақат алған еркекті көліктен шығаруға шамасы келмеді. Өйткені зақымданған есік қисайып қалған. Полицейлер басқа көлікке ауыстырмақ болып еді, жарақаттанған адамның жарасы ауыр болып шықты.
Жедел медициналық жәрдем және полиция қызметкерлерінің жұмылуымен жарақат алған ер адамды быт-шыты шыққан көліктен алып шықты.
Полиция аталмыш оқиғаны егжей-тегжейлі анықтауда.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
