Басың айналады: Әлемдегі ең ұзын шыны көпір ашылды
Қытайдың солтүстігіндегі Хэбэй провинциясында әлемдегі ең ұзын аспалы шыны көпір құрылысы аяқталды.
15:42 25.12.2017
Бұл туралы China Daily газеті хабарлайды.
Құрылысы бір жарым жылға созылған көпір кеше, 24 желтоқсанда ресми түрде ашылды.
Күшті желдерге төтеп бере алатын көпір Шицзяжуан қаласының маңындағы Хунъягу ауданында орналасқан және екі тік жартастың арасын жалғап тұр. Оның ұзындығы - 488 метр, ені - 2 метрді құраса, биіктігі - 218 метрге (шамамен 66 қабат) жетеді.
Сәулеттік нысанның жалпы салмағы 70 тоннаны құрайды, оны салуға қалыңдығы 4 см болатын 1077 мөлдір шыны панелі жұмсалған. Ерекше әсер сыйлау мақсатында көпір келушілер сәулеттік нысанның бел ортасында жеткенде қозғалатындай етіп жасалған. Ерекше нысан бір мезгілде 2 мың адамға дейін көтере алады, бірақ әзірге 500 адамға ғана бір мезгілде көпірге шығуға рұқсат берілген.
.jpg)
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
