Елімізде мұнай артығымен өндірілді
Ағымдағы жылдың аяғына дейін 83 млн тонна мұнай өндіріледі деген жоспар болған.
15:35 26.12.2017
Бұл туралы ҚазАқпарат хабарлайды.
ҚР Энергетика министрі Қанат Бозымбаевтың айтуынша, Қазақстанда бір күнде 550 мың тонна мұнай өндіріледі.
"Демек, жылдың аяғына дейін әлі де бір миллион тоннадан астамын өндіруге болады. Кешегі мәліметке сәйкес, 84,5 млн тоннаны өндірдік. Оған тағы бір жарым миллионды қосыңыз. Сонда біз 86 млн-ның межесіне шыға аламыз. Жоспар бойынша 83 млн тонна болған. Жылдың аяғына дейін біз ол жоспарды артығымен орындаймыз. Мұнай өндірудің биылғы жоспарын орындауда Қашаған кен орнының үлесі зор", - деп атап көрсетті Қ.Бозымбаев.
Айта кеткен жөн, бүгінгі отырыста энергетика министрі монополистердің қарызын да жариялады.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
