ВИДЕО: Астана аязынан жан-жануарлар қатып жатыр
Елорда мен Ақмола облысының тұрғындарын дірілдеткен аяз жан-жануарларды да қатырып жатыр.
16:12 24.01.2018
Әлеуметтік желілерде аяздан қатып қалған жануарлардың видеолары жариялануда.
Бір бейнекөріністе ауладағы иттің қатып қалғанын көрсетілген. Бұны түсіріп алған еркек оның Астанада болғанын айтады.
Және де шарбақтың арасынан өтпек болған жануар - қоян да ағашқа қысылып қатып қалыпты. Сондай-ақ аяздан қатып қалған мысық та бар. Бұл видеоны салған адам Астананың аязын осындай жәйттер үшін ұнатпайтынын жасырмайды.
Айта кетсек, бүгін Алматы облысында да бірнеше жылдан бері алғаш рет мектептерде сабақ тоқтатылды. Төтенше жағдай қызметкерлері тұрғындарды аса сақ болуға шақыруда. Яғни, әзір тауға шықпауға кеңес беріп отыр.
Ал Семейді қыспаққа алған сарышұнақ аяз жұртты әуре-сарсаңға салуда. Мұнда, ауа райы күндіздің өзінеде 30 градус суықты көрсетіп тұр. Соның салдарынан, тұрғындарға аялдамада емін-еркін тұрып автобус күтудің өзі мүмкін емес екен. Ал, бұны ескерген кейбір дүкен иелері, жаурап қалған жұртты ішіне кіргізіп жылындырып тегін шәй таратып жатыр.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
