Андре Уорд боксқа қайта оралуы мүмкін
Уорд бокстан кететіні туралы 2017 жылы қыркүйек айында айтқан еді.
16:57 24.01.2018
Екі салмақ бойынша әлемнің бұрынғы чемпионы америкалық боксшы Андре Уорд боксқа қайта оралуы мүмкін екенін айтты.
Америкалық боксқа қайта оралуы туралы әңгіме оның Твиттердегі жазбасынан кейін қозғала бастады.
"Өткен түнде салмағым 119 фунт болды. Барлығы жақсы. Мен уәде беремін. жұмыс істеп жатырмын", - деп жазды Уорд.
"Біз бір ерекше дүние жасау үшін жұмыс істеп жатырмыз", - делінген америкалықтың екінші жазбасында. Бірақ нақты қандай дүниемен жұмыс істеп жатқаны айтылмады.
Уорд бокстан кететіні туралы 2017 жылы жартылай ауыр салмақта WBA (Super), IBF және WBO тұжырымдары бойынша әлем чемпионы болып тұрған кезде айтты. Сонымен қатар ол салмақ дәрежесіне қарамай жасалатын рейтингтің де көшін бастап тұрған еді ол кезде.
Кәсіпқой бокс шаршы алаңында Уорд 32 кездесу өткізіп, барлығында жеңіске жеткен. 16 кездесуде ол қарсыластарын нокаутқа түсірді. Әуесқойлар арасында ол 2004 жылы Афины қаласында өткен Олимпиада ойындарының чемпионы атанған.
ДЕРЕККӨЗ: Vesti.kz
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
