ВИДЕО: Алматыда жүк көлігінің бұзылып қалуынан бірнеше автомобиль апатқа ұшырады
Жол-көлік оқиғасы оңтүстік астананың Көк-Қайнар ықшам ауданында орын алды.
10:30 25.01.2018
Бұл туралы patrul.kz хабарлайды.
Бұзылып қалған жүк көлігі жолдың қарама-қарсы бетіне шығып кетіп, Audi автосымен «бетпе-бет» соқтығысып қалған.
Куәгерлердің айтуынша, екі жүк көлігі Абай көшесімен солтүстік бағытта келе жатқан. Оның біреуі екіншісінің бұзылып қалғандығынан қатаң автотіреуішке (құбыр), буксирмен сүйреп келе жатқан. Мәмбетов көшесінің қиылысында олар оңға бұрыла бастағанда, автотіркеуіштерінің құбыры жарылып, олардың артында тұрған көлік жолдың қарсы бетіне «ұшып» кеткен.
Салдарынан ол жолдың сол жағымен келе жатқан Audi автомобилімен «бетпе-бет» соқтығысып қалады. Ол болса – артында келе жатқан Mercedes көлігіне ұрылады. Ал соңғысы – серпінмен барып соңындағы Toyota Camry автосына соғылды.
Жол-көлік оқиғасының нәтижесінде бір адам зардап шекті. Сол жерге келген дәрігерлер оны тексеріп, қарап шықты. Алайда ол ауруханаға барудан бас тартқан.
Жол апатының мән-жайын полицейлер анықтауда.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
