Джермалл Чарло: "Головкинмен жұдырықтасуға дайынмын"
Головкин -"Канело" жекпе-жегінің жеңімпазы Чарломен жұдырықтасуға міндеттелген.
12:53 25.01.2018
Орта салмақта WBC чемпионына міндетті үміткер америкалық Джермалл Чарло (26-0, 20 КО) дивизиондағы ең мықты боксшылар - қазақстандық Геннадий Головкин және мексикалық Сауль "Канело" Альвареспен жұдырықтасуға дайын екенін мәлімдеді.
3 наурызда Нью-Йорктегі Barclays Center аренасында Чарло отандасы Уго Сентеномен (26-1, 14 КО) жұдырықтасады. Боксщылар WBC тұжырымы бойынша "уақытша" чемпион атағын тартысқа салады және Головкин-Альварес қарымтасының жеңімпазын күтеді.
"Сентеноны жеңген соң Головкин немесе "Канеломен" жұдырықтасқым келеді. Бұл жекпе-жектерге қолжеткізу оңай болмайтынын білем. Өйткені олар менің кім екенімді біледі. Мен соққысы күшті нокауттар шеберімін. Олар кімнің кім екенін жақсы түсінеді", - дейді Чарло.
Еске салайық, Чарло 2017 жылдың шілдесінде аргентиналық Хорхе Хейландты (29-5-2, 16 КО) жеңіп, WBC чемпионына міндетті қарсылас атанған.
ДЕРЕККӨЗ: Vesti.kz
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
