Ақтаулық азамат туған ұлын атып өлтірді

Ақтаудағы №30 ықшам ауданының тұрғындары адам өлімі жайлы хабарлады. Айтуларынша, көршілес үйде тұратын ер адам туған ұлын атып өлтірген. Қайғылы оқиға 24 қаңтарда сағат 14: 00-де болған. Көршілері мен куәгерлердің хабарлауынша, қылмыс Ақтаудағы №30 ықшам ауданындағы коттедждердің бірінде болған. «Кеше ол жерге көп адам жиналды. Полиция қызметкерлері мен дәрігерлер де келді. Айтуынша, әкесі ұлын тапаншамен атып, соның салдарынан баласы қөз жұмған», – дейді куәгерлер.